Boarding house sa Brgy. Pahanocoy ginlockdown matapos 19 sa 32 ka mga boarders ang nagpositibo sa Covid-19.
Nabalhin na sa isolation facility ang desi nuebe sa 32 ka mga nagapuyo sa boarding house nga nagpositibo sa Covid-19 sa Barangay Pahanocoy.
Ginpaidalom na sa lockdown ang boarding house kag hugot nga ginamonitor sang barangay ang kahimtangan sang dose ka mga nag-negatibo sa RT-PCR test.
Suno kay Dr. Chris Sorongon, una nga nalatnan ang 21 anyos nga lalaki nga factory worker.
May ginpadala na nga mga swab specimen sa Philippine Genome Center agud mapat-ud sang EOC kun ano nga Covid-19 variant ang posible ginhalinan sang clustering of cases.