Sa Agosto 11 iga-install bilang ika pito nga obispo sang Bacolod Diocese si Bishop Louie Galbines.
Ang Apostolic Nuncio to the Philippines nga si Archbishop Charles John Brown ang maga install kay Bishop Galbines sa San Sebastian Cathedral sa Bacolod City. Si Manila Archbishop Jose Cardinal Advincula ang maga hatag sang homily.
Mga 39 ka obispo kag masobra sa 200 ka mga pari ang gina paabot maga tambong sa installation.
Antes sa Bacolod Diocese nag pangalagad bilang obispo sang Diocese of Kabankalan si Galbines.
Ginbun-ag sa Sagay City si Galbines kag nag dako sa Barrio Ma-ao sa Bago City. Gin ordain siya bilang pari sang Bacolod Diocese gani daw parehos lamang nga nag balik siya sa kun diin siya nag halin sa iya karon nga pag pangalagad bilang obispo sang Diocese sang Bacolod.
Sa Agosto 10 may motorcade padulong Bacolod City ang patigayunon kag procession gikan sa replica sang New Government Center padulong sa Cathedral sa hapon. May vesper kag testimonial dinner nga patigayunon pag katapos.
Sa August 11, las 9 sang aga ang Canonical Installation kag antes sini patigayunon mna ang procession sa palibot sang public plaza.
[sibwp_form id=1]