Gin-take down na ukon ginkakas sang isa ka Facebook user ang post sini nga naga haboy sang pagpamahug kay Vice President Leni Robredo.
Ginpasa-pasahan sa social media ang post sang Facebook user nga Balbal Binalbagan Shout-Out kun sa diin may litrato si presidential candidate Leni Robredo nga yara sa caravan kag naka saad diri ang pagpamahog bilang balos sa natabo kay BBMsang pag caravan man sini.
Una na nga nagpa gwa sang pahayag si Negros Occidental Vice Governor Jeffrey Ferrer matapos mahibaluan ini. Si Ferrer ang nag paandam sa mga supporters ni Presidental aspirant Ferdinand Marcos, Jr sa pag haboy sang ano man nga pag pamahog sa mga suporter ni Robredo.
Isa ini ka krimen suno sa iya kag siya gid ang ila nga makontra. Sa Facebook page ni Binalbagan Mayor Alejandro Mirasol, ginapahanumdon niya man nga ang pagpamahog sa bise presidente kasubong sang paglapas sa Anti Terror Law. Wala niya ginatugutan ang kasubong nga mga bagay.
Ginpasiguro ang deployment sang security sa venue. Magkatuhay man ang gina suportahan nga presidente dapat suno sa iya mag respetuhanay.
Gina pa verify naman sang Negros Occidental PNP sa ila nga Information Technology Department ang amo nga account. Suno kay Col Leo Pamittan ginmanduan niya man ang PNP personnel nga pat-uron kun yara sa Binalbagan ukon Himamaylang ang presensya sang persona sa likod sini.
“Sa IT namin kung talagang existing yung pangalan. Yung account. At saka pina verify ko rin, kung sighted yung pagmumukha dun sa Binalbagan and Himamaylan. Hopefully maka pag feedback ang police natin ngayon. Pero as to the measures, para maisawan ang threat, para ma pre-empt natin ang threat sabi ko sa mga organizers iwasan na lang yung slow moving”, suno kay Pamittan.