Bureau of Fire Protection ang naga abiso sa publiko nga kun mag bakal gid man sang palupok, dapat gikan sa mga legal nga naga baligya. Mga firecracker vendors gina abisuhan man nga dapat magkuha lamang sa mga manufacturers nga may yara sang permit.
Sa reclamation area, malapit sa Pope John Paul II tower sa gihapon ang designated area para baligyaan sang mga palupok.
December 14 gina paabot maga sugod ang pag display sang mga firecracker vendors.
Suno kay Fire Supt Jenny Mae Masip ang Bacolod City Fire Marshall sa inisyal nga datus, may 43 ka mga retailer ang nag apply sang permit para maka baligya.
Kun ma plastar na ang tanan kag magsugod man ang BFP sang ila nga inspection sa area, para mapasiguro nga compliant sila sa standards sa tuyo nga malikawan ang ano man nga fire hazard.
Suno kay Masip, Dec 24 padulong sa Dec 25, kag Dec 30 kag 31 ginapaabot ang baklanay.
Ginasulit sang BFP ang pahanumdom sa publiko nga maghalong kag likawan ang pag bakal sang iligal nga palupok.
Samtang, sumugod December 22 tubtob January 2 naka full alert na ang BFP sa tuyo nga mapasiguro ang malinong kag matawhay kag hilway sa peligro nga pagsaulog sang Paskwa kag bag-ong tuig.*