BENRO tuyo nga i-recycle ang mga campaign materials nga mahakot sa operation baklas.
May mga kandidato na nga nanghimos sang ila mga ginpanapik nga mga election campaign materials sa pila ka mga barangay sa Bacolod. Ang Bacolod Environment and Natural Resources Office amo ang ginmanduan ni Bacolod Mayor Albee Benitez para manguna sa Operation Baklas upod sa mga barangay. Nanawagan si BENRO head Ma. Fe Trespuentes sa mga barangay nga kuntani matipigan ang mga campaign materials kasubong sang mga tarpaulin nga pwede pa ma-recycle kag ma-turn over sa ila opisina. Ini agud nga mabuhinan ang mga basura sa sanitary landfill. Pila sa mga kandidato ang nagpabutyag sang plano nga i-turn-over ang ila mahakot nga campaign materials sa mga non-government organization nga naga-recycle man sang mga tarpaulin. Nagapanawagan sila sa mga supporters nga magbulig agud malimpyohan ang siudad sa mga nabilin pa nga mga campaign materials.