Bed ridden nga lola patay sang malumos sa baha sa Sagay

Gintinguhaan sang lalaki nga salbaron ang iya bedridden kag paralisado nga 87 anyos nga iloy apang napaslawan ini bangud sang kadalum sang tubig baha kag kakusog sang daludo sa Purok River Hillside, Barangay Fabrica sa Sagay City.

Natabo ang insidente matapos nga magbubo ang mabaskog nga ulan sadtong Sabado sang gab-i nga nagtuga sang flash flood sa lugar.

Nagapahuway ang lola upod ang iya pamilya sang gulpi lang nag-awas ang tubig baha gikan sa malapit nga sapa tubtob nga naglab-ot na ini sa atop sang ila balay.

Bangud mabaskog ang bulyada sang tubig, nabuy-an sang bata ang iya iloy kag naanod.

Domingo sang aga, nakit-an ang bangkay sang tigulang sa creek malapit sa ila balay.

Halos wala gid sang may nasalbar nga gamit ang pamilya sang tigulang.*

[sibwp_form id=1]