Tatlo pa ka mga dugang nga police station ang ginduso ni Bacolod City Police Office Director Police Colonel Joeresty Coronica nga matukod sa siudad Bacolod agud mas mapabaskog ang peace and order.
Nalakip sa mga na-identify nga area nga sarang tukuran sang PNP station ang relocation site sa Barangay Vista Alegre, Barangay Banago kag Estefania.
Dugang ni Coronica nga magluwas sa personnel kinahanglan man ang dugang nga mobility kasubong sang patrol cars kag iban pa nga kinahanglanon sang ginaplano nga police station.
Kabahin sa mga plano nga na-istoryahan sa departamental meeting ang pagsaylo sang Police Station 3 sa gina-develop nga township project sa Barangay Mandalagan.
Dugang diri ang pag-install sang dugang nga mga CCTV camera sa mga pampubliko nga lugar kag pag-require sa commercial establishment sang mga CCTV camera agud nga mas mapabaskog pa ang kampanya sa peace and order.