Nagpa-andam si Bacolod City Police Office Director Colonel Eugene Rebadomia sa mga kapulisan sa siudad nga likawan ang pagpakigbahin sa mga iligal nga aktibidad sa sulod man ukon sa gwa sang Bacolod.
Ini matapos nga matukiban nga ang nagaserbe nga protektor sang iligal nga online sabong sa Talisay City, ang isa ka police major nga pamuno sang CIDG-Bacolod City Field Unit.
Ginklaro man ni Rebadomia, nga indi kabahin sang BCPO ang amo nga pulis.
Nagapadayon man ang intelligence monitoring sang BCPO sa mga katapo sini, agud matapna gilayon ang mga pulis nga nagapamentaha.
Kon may matukiban sila nga may pulis sa BCPO nga nagapakigbahin sa mga iligal nga aktibidad, iya ini gilayon pasakaan sang nagakaigo nga kaso.
Panawagan ni Rebadomia sa mga pulis, likawan ang amo nga mga aktibidad bangud ini ang nagapahigko lamang sang imahe sang kapulisan sa publiko.
Sandig sa monitoring sang kapulisan, wala sang iligal nga online sabong nga naga-operate sa siudad sang Bacolod.*
[sibwp_form id=1]