Bata nga pasyente ang gina-usisa tungod sang suspected pertussis case.
Ginkumpirmar ni Punong Barangay Caesar Distrito, spokesperson ni Mayor Albee Benitez nga may yara sang suspected pertussis patient nga yara karon admitted sa isa sa mga ospital sa Bacolod.
Ginklaro ni Distrito nga sandig sa record sang City Health Office, ang menor de edad nga pasyente ang indi taga Bacolod.
Ang pertussis ukon whooping cough isa ka makalalaton nga balatian.
Gani mas ginapabaskog na sang CHO ang vaccination program sa mga kabarangayan kabahin sang programa para mapasaka ang kadamuon sang fully immunized children.
Ang pamunuan sang Department of Health natalana nga magapadala sang mga vaccine sa mga lugar nga may yara sang outbreak gud mapunggan ang paglapta sang balatian.