Punong Barangay indi na mag issue sang certificate sa pag operate sang ilimnan sa 17th-Lacson Sts., sa Bacolod.
Kutob lang sa December 31 ang na-issue nga business permit sang Business Permits and Licensing Office para sa Ilde Corporation para mag operate sang restobar sa 17th-Lacson Street.
Gani plano ni Punong Barangay Hercy Sibug sang Barangay 7 nga sa madasun nga tuig, indi na mag issue sang barangay certificate para sa operation sang iliman nga ila nasakpan.
Magapangayo man sang rekomendasyon ang barangay gikan sa zoning division sang siudad.
Ang barangay certificate kabahin sa mga requirements sa pagkuha sang permit sa negosyo.
Damlag pa, gin recommend sang punong barangay ang pagpasira sang restobar bangud malapit ini sa mga buluthuan.
Sa sulod man sang ilimnan natabo ang pag molestiya sa criminology student sa isa ka menor de edad nga babaye.
Napasirad-an ang komboyahan sang nagligad nga semana bangud natalupangdan nga wala ini sang permit.
Pero ginpabuksan man sang city legal office makaligad nga makabayad sang P1,500 nga penalidad.