Nasapwan sang manug-panguha sang paka ang bangkay sang isa ka lalaki sa creek nga sakop sang Sitio Balingasag sa Barangay Masulog, La Castellana, mga Miyerkules sang hapon.
Ginkilala ang biktima kay alyas “Sonny”, 48-anyos, taga Brgy. Masulog.
Sa follow-up operation, nakilal-an ang tatlo ka mga suspek kag nadakpan. Sila amo sanday alyas “Rey”, alyas “Rom”, kag alyas “Jon”.
Ang tatlo amo ang ulihi nga mga upod inom-inom sang biktima antes siya ang nasapwan nga wala na sang kabuhi.
Gin-ako sang isa sa mga suspek nga ila ginpatay ang biktima paagi sa pagkastigo, pagsipa, pagsumbag kag paglampos sang bato. Matapos sini, ila gindala ang bangkay kag ginhulog sa creek.
Ang kahulugbon ang ginalantaw sang PNP nga rason kun ngaa natabo ang insidente.
“Try ni namon hingagaw, ang murder or depende sa fiscal kung ipasaka or ano but murder gid ang ipasaka namon. Ang motive drunkenness, hinubog. Puro sila parehas hubog. Damo man ni ang nainom sang mga suspek tapos siya nakainom man. Ugaling kay ti tungod nga wala na siya, indi ta siya makuhaan ka testimoniya niya kung ano gid ang natabo”, suno kay Police Master Sergeant Jun Pol Baltazar, investigator sa kaso.
[sibwp_form id=1]