Nagakulob kag naga-utaw-utaw ang bangkay sang isa ka lalaki sang masapwan sa suba nga sakup sang Hacienda Biaren, Barangay Linao sa Kabankalan City, Domingo sang udto.
Mamunit kuntani sa suba, sakay sang bangka ang isa ka menor de edad sang iya makit-an ang bangkay, nga yara na sa advanced state of decomposition.
Nangayo ini sang bulig sa iya tiyo agud mapahigad ang bangkay.
Ginsiling ni Police Captain Sammy Gasataya, deputy chief sang Kabankalan PNP, positibo nga ginkilala ang bangkay sang iya asawa. Ang biktima nga ginkilala kay alias Celso isa ka pintor kag residente sang Ilog, Negros Occidental.
Base sa imbestigasyon, naglumpat sa Camugao Bridge ang 25-anyos nga lalaki matapos malampusan sang pala ang iya upod nga pintor.
Suno kay Gasataya, posible sa kakulba, nagdalagan kag naglumpat ang lalaki sa taytay, rason nga naanod siya sang daludo ka tubig kag nalumos.