Ginbuksan na sang siudad ang baligyaan nga nahamtang sa atrium sang Bacolod City Government Center Biyernes sang aga.
Ini ang kabahin sang KADIWA sa Bagong Pilipinas program sang gobyerno nasyonal kag ang pagbukas sini sa Bacolod ang kabahin man sang ika-52 nga Nutrition Month.
Ginsiling ni Atty. Marty Go, Secretary to the Mayor nga bukas lamang ang ini nga baligyaan kada Biyernes.
80 porsyento sang mga nagabaligya diri ang mga taga Barangay Alangilan. Bangud medyo layo ang ila ginhalinan, kada Biyernes, ang refrigerator van sang siudad ang magakarga sang tanan nila nga baligya, pakadto sa BCGC kag pabalik sa ila lugar.
Suno kay Go, ini ang bilang bulig naman sang siudad sa ila. Wala sang balayran ang vendors sa amo nga baligyaan sa sulod sang BCGC.
[sibwp_form id=1]