Makita sa video ang nagadaba-daba nga kalayo kag madamol nga aso gikan sa isa ka stall sa Dumaguete City Public Market, Lunes sang aga.
Nagresponde ang mga bombero kag gilayon nga napalong ang kalayo, nga nagdangat sa first alarm.
Ang nasambit nga store ang nagabaligya sang mga dry goods kaangay sang mga RTW, tsinelas, silhig, plastic wares kag iban pa.
Ginsiling ni Fire Chief Insp. Erwin Johannes Gimotea, ang City Fire Marshal sang Dumaguete, nga sa inisyal nga imbestigasyon, nagsugod ang kalayo sa second floor sang building.
Ginabulubanta P126,000 ang danyos sang sunog.
Wala naman sang may nasamaran sa insidente.
Natalana pa nga magapagwa sang final investigation report ang Dumaguete City Fire Station sa gintunaan sang sunog.
“Kay government property ni siya kay public market, ginturn-over ang case sa Regional Office pero ari man diri subong ang imbestigador sang regional office nga nag-conduct kaina sang thorough forensic analysis. Undergoing pa subong ang investigation kag ma-issue lang kami final investigation report as soon nga matapos nila imbestiga,” suno kay Gimotea.
[sibwp_form id=1]