Makita sa kopya sang CCTV video nga may nag-abot nga lalaki kag nagkuha sang lamesa sa gwa sang gadget store sa Zayco-Aquilles Avenue, sakop sang Barangay 3 sa Kabankalan City, Domingo sang kaagahon.
Nagasuksok ang lalaki sang jacket, delargo, tsinelas kag naka-kalo. May tabon ang iya nga hitsura.
Nagwa sa imbestigasyon sang Kabankalan PNP nga ginguba sang suspek ang kandado sang roll-up kag sliding door sang gadget store.
Kapin P802,000,000 nga balor sang brand new android phones, iPhones kag iPads ang nakuha sang kawatan.
Ginsiling ni Police Lt. Col. John Ganzon, hepe sang Kabankalan PNP nga may yara na sila sang lead sa insident kag duha ka mga suspek ang ila ginalantaw nga naghimo sang krimen.
Sa Facebook video, emosyunal nga ginpakita sang tag-iya sang gadget store ang sitwasyon sang istante kun diin anay naka-display ang mga ginkawat nga cellphones.
Suno sa tag-iya, ginpangabudlayan nila nga mapadako ang ila pinakauna nga branch sa Kabankalan kag wala ini naglaum nga amo sini nga matabo sa ila shop.
May yara sang CCTV ang store apang tungod sa kasako, wala nila ma-monitor nga indi na ini ma-playback tungod full storage na.
Nagpanawagan ang tag-iya sa mahimo mabaligyaan sang mga units nga kinawatan nga magpakig-angot sa ila ukon sa Kabankalan PNP.
[sibwp_form id=1]