Digicast Negros

Balay sang Isabela treasurer gin-alegar ransak, P3M nga kwarta ginkawat

Padayon sa karon ang imbestigasyon sang Police Station 6 angut sa gina alegar pag ransak sa balay ni Nenet Escarda sa Las Palmas Sundivision, Barangay Taculing sa Bacolod sang Enero 21.

Si Escarda ang treasurer sang banwa sang Isabela kag kabahin sa gin kawat amo ang cash kag mga cheke sang banwa.

Suno sa pulis naga balor sang 3 milyones pesos ang cash. Suno kay Captain Dax Santillan, hepe sang Police Station 6, gina alegar ni Escarda nga yara sa iya balay ang cheke kag kwarta kay inug deposit niya kuntani ini sa bangko.

Gina alegar ni Escarda suno kay Santillan nga nag sulod ang kawatan sa ila compound kag nag agi sa tiyangge kun sa diin gin kakas ang anum ka mga jalousy kag didto nag-agi. Gina usisa pa sa karon sang PNP ang mga alegasyon sang biktima kag ang posibilidad nga wala didto sa iya balay ang nadula nga kwarta.

“Before na mag sulod sa compound may walo na sila ka ido nga layaw, so amo na ang aton nga isa sa pamangkot kun gina alegar nila nga gin ransak ang ila nga balay or gin sulod, how come may mga amo ni nga factor nga daw ka imposible pa”, suno kay Santillan.

Exit mobile version
Skip to toolbar