Site icon Digicast Negros

Bago kag Sagay nadala sa Top 100 Green Destination for Sustainable Tourism

YouTube player

Siudad sang Bago kag Sagay ang nalakip sa world’s Green Destination Top 100 Stories list.

Ini ang gin-announce sa Green Destinations and Future of Tourism Summit sa Athens, Greece, Miyerkules sang gab-i.

Ang conservation and responsible tourism story sang Sagay City ang nagtutok sa pagpangapin sa baybayon nga naga lakip sang Suyac Island kag ang iban pa gid nga mga island communities kag ang mangrove greenbelt nga naga bulig sa siudad gikan sa peligro nga madala sang mabaskog nga mga bagyo.

Ang revival sang watershed sang Bago naman ang nalakip sa Green Destination Top 100 stories. Ang amo nga proyekto sang Bago ang nag pakita sang tikang angut sa responsible tourism nga ginpatuman sang siudad. Ang proyekto ang may distinctive appeal man.

Sa kada tuig ang Green Destinations Top 100 Stories competition ang naga tipon sang sustainable tourism stories kag good practices gikan sa mga destination sa bilog nga kalibutan sa tinutuyo nga ini ang mapaambit man sa iban kag mag serbe nga ehemplo kag inspirasyon sa mga tourism professionals kag mga travelers.

Paagi sa ila nga mga istorya, gina kilala ang mga solution nga napatuman sang mga destination management organization bilang sabat sa mga pagpanghangkat angut sa sustainable development.

May 250 ka mga delegates gikan sa 43 ka mga pungsod ang amo nga kahiwatan.

Ang Green Destinations isa ka Netherlands-based organization nga naga assess, naga patuman sang capacity building kagsubong man sa certification sang mga destination kag mga negosyo nga naga duso sang sustainable tourism.

Exit mobile version
Skip to toolbar