Siudad sang Bago ang nag patuman na sang tikang angut sa reklamo sa mga mountain resort sa ila lugar.
Ini ang naga lakip sang pagtuga sang task force kag pagpatigayon sang mga coordination meeting.
Suno kay Vicente “Jurivic” Mesias ang City Environment Management Officer sa karon nag untat na ang Almana Development Corporation sa ila nga mga development activities sa Mailum Falls Dreamland Resort.
Damlag pa sila ang ginpapanaugan sang Notice of Violation sang Environmental Management Bureau bangud sang gin patuman nga development activities nga indi sakop sa gin issue sa ila nga Environmental Compliance Certificate.
Ang siudad ang nakabaton sang separado nga reklamo kontra sa Almana Development Corporation gikan sa Pataan Irrigator’s Association kag Mailum Bukidnon Tribe.
Suno kay Mesias sa bahin sang siudad, ginpapanaugan sang Office of the Building Official sang notice of violation ang Almana bangud wala sang building permit kag gina pauntat man ang tanan nga ongoing contruction nga wala sang permit.
“Ang city ya nag-issue, particularly ang City Engineering Office nag issue man siya ya sang iya nga notice of violation man sa Almana Development Corporation for having no building permit. And ang amo man nga office – City Engineering Office also requested the developer to stop all ongoing illegal construction without permit. Amo na siya nag most recent nga sitwasyon nga natabo”, suno kay Mesias.
Ang Balaan Hills EcoPark nga napahamtang sa Mailum man ang ginpapanaugan man sang EMB sang notice of violation bangud sang kapaslawan sini sa gihapon sa pag kuha sang ECC kag iban pa gid nga violation.
Suno kay Mesias ila pa nga pat-uron ang compliance sang resort nga gina panag-iyahan ni Leo Nikko Delfinado.
Sila ang iga-remind suno kay Mesias.
Damlag pa ang tagdumalahan sang Balaan Hills ang nag pasalig sang compliance base sa gin issue nila nga statement sa media.
Wala labot sa duha ka mga resort, natukiban man ang Buenos Aires Mountain resort nga city government-owned and operated ang may kapaslawan man sa pag secure sang ECC kag iban nga EMB issued permits humalin sang pag operate sini pila na ka dekada ang nagligad.
Sa idalom sang administration ni Mayor Marina Javellana-Yao base sa advisory nga gin-issue, boluntaryo nga maga untat operation ang resort tubtob nga ma comply ang ini nga mga permits.
Pero sa karon naga sige pa operate ang amo nga resort.
“We will do self-regulation and comply”, suno kay Mesias.
Magluwas sa mga coordination meetings sa nagkalain-lain nga stakeholders gintukod ang Bago City Task Force on Environmental Compliance and Tourism Area Development para mapasiguro ang mga compliance kag mapasanyog man ang ecologically sound and culturally vibrant tourism destination.