Isa ka patay nga bagis ang nakit-an sang mga pumuluyo kaina sang aga sa baybayon sang Cauayan.
Suno kay Brgy Kagawad Jose Edgar Tomarong sang Linaon, mga las 8:30 kaina sang aga sang natalupangdan ang pilason nga bagis sa Purok 2 Baybay sang amo nga barangay.
Ginsiling ni Tomarong nga first time makakita sang mga mangingisda kag sang mga pumuluyo sang amo nga sahi sang bagis nga ila gina patihan Short Fin Mako Shark.
May mga bagras ang amo nga bagis suno kay Tomarong kag ginabulubanta nila nga naga bug-at sang 200 kilos.
Ginpakamaayo sang mga nakakita suno kay Tomarong, nga indi na mag report sa Department of Environment and Natural Resources kay patay naman ang bagis.
Basi kuno madugayan pa ang abot sang DENR bangud pwede pa nila ma konsumo ang karne.
Wala naman sang may naglain sang pamatyag sa mga nagkaon suno kay Tomarong.
As of press time wala sang gikan sa otoridad ang naka pat-od sang sahi sang amo nga bagis.
[sibwp_form id=1]