Gin-lift na ang tropical cyclone wind signal 1 sa Negros pero may low pressure area sa gwa sang Philippine Area of Responsibility nga gina forecast sang PAGASA nga magsulod sa PAR sa Domingo nga adlaw.
Suno sa PAGASA mataas ang tsansa nga mangin isa ka bagyo ang LPA sa sulod sang 24 oras kag kun magsulod na sa PAR pagatawgon ini nga Bagyo Leon.
May isa pa gid ka LPA nga nakit-an sa gwa sang PAR pero suno sa PAGASA, sa subong magamay pa lang ang tsansa nga ini ang mag develop sa isa ka bagyo sa masunod nga 24 oras.
Ang bagyo nga Kristine ang yara na subong sa baybayon sang Ilocos Sur kag gina paabot nga magwa na sa PAR sa bwas sa hapon.
Gina forecast man sang PAGASA nga possible liwat magabalik si Kristine sa PAR pero ini tanan maga depende naman sa lakat sang panibag-o nga LPA nga yara sa east sang Mindanao.