Dakop sa CCTV ang pag pangawat sang bag sa sulod sang isa ka tIyangge sa Purok Mars sa Barangay Singcang-Airport kahapon sang kaagahon.
Makita sa video nga kuha sa gwa sang tiyangge ang hinay hinay nga pag bukas sang isa ka lalaki sang bintana.
Siya ang may dala nga dustpan nga posible iya gingamit pang tukod.
Sa video naman nga kuha sang sulod sang tiyangge, makita nga tigayon na na alsa ang bintana kag didto gin singit sang kawatan ang bag gamit ang kahoy bilang singit.
Sandig sa report sang gin kawatan, 60,000 pesos ang unod sang iya gin kawatnga bag pati na ang iya mga id, atm kag credit card.
Arestado man ang suspek sa hot pursuit operation. Siya ang ginkilala nga si Alexander Medel nga suno sa pulis, kilala man nga kawatan sa lugar. Kaso nga robbery ang ipasaka batuk sa iya subong ng adlaw.