Tigayon nga na recover ang bag sang isa ka senior citizen nga ginkawat sang isa ka nagpakilala nga delivery rider sa may Barangay 28 sa Bacolod City.
Sang nagligad nga semana sang ginsulod sang amo nga persona ang isa ka opisina sa Rizal Street sa Bacolod.
Makapila siya ka beses nag balik-balik kag nag siling nga may iga-deliver nga high value nga parcel pero gin hambalan siya sang mga naga okupar sang opisina nga wala sang may nag order.
Sang duha na lang ka empleyado ang nabilin sa sulod sang opisina iya ini nga ginsulod samtang may bitbit nga hampanganan nga pusil.
Nagrekta siya sa pulungkuan sang amo sa amo nga opisina kag ginkuha ang bag.
Sa pagka recover sa bag, nadiskubrehan nga kwarta lang gid ang ginkuha sang suspek.
Ang mga ID, ATM cards, passbook kag iban pa nga mga dokumento ang nabilin sa sulod sang bag.
Yara sa 14,000 pesos ang nakuha.
Antes sini isa man ka law firm ang ginsulod man sang nagpakilala nga deliver rider kag ginkuha ang ang dos mil kinyentos pesos nga kwarta sang empleyado.
Hampanganan nga pusil man ang gingamit niya sa paghimo sang krimen.
Padayon pa siya nga gina kilala sang PNP.