Hugot nga ginapatuman sa gihapon ang BacTrac system sa Bacolod City Government Center.
Pero indi malipod nga may pila ka mga commercial establishment ang wala nagapatuman sang strikto nga requirement para sa ila mga customer.
Suno kay Dr. Edwin Miraflor, OIC sang City Health Office, importante ang BacTrac sa contact tracing ilabi na karon nga may na detect na nga mga sub variant sang Covid-19 sa pungsod.
Nagalaum siya nga ini ang mapadayon sang masunod nga administrasyon.
Sandig sa natukod nga City Ordinance 941 ukon ang BacTrac ordinance, kutob sa mga government ukon private establishment nga wala naka rehistro sa BacTrac system, wala naga patuman sang scanning sang BacTrac cards ukon nagalista sa logbook sang naga sulod sa establishment ang sarang multahan sang isa ka libo tubtob lima ka libo ka pesos nga may upod nga pagka bilanggo sa sulod sang masobra anum ka bulan.