Wala sang nausik nga bakuna sa Bacolod suno kay Dr. Edwin Miraflor,officer in-charge sang City Health Office kag cold storage facility sang siudad.
Ginpahayag ni Miraflor nga naubos na nga na-administer sang katapo sang Emergency Operations Center ang 20 mil ka mga Covid 19 vaccines antes pa mag expire sa katapusan sang Abril.
Ini sa bulig sang Vaxi Mobile Vaccination Program nga amo ang nagalibot sa mga kapurukan para mapalab ot ang bakuna,ilabi ang booster dose sa mga luyag magpabakuna kontra sa virus.
Nagalaum si Miraflor nga masugdan naman ang pagbakuna sang booster dose para sa pediatric vaccination agud nga magamit ang linibo pa nga bakuna nga malapit naman mag expire sa madasun nga binulan.
Gani ginahulat naman lamang karon sang opisyal sang EOC ang approval sang food and drug administration kag guidelines sang department of health para sa pagpatuman sang booster dose sa 12-17 year old.