Incumbent Councilor Claudio Puentevella handa sa pagpanghangkat sa iya pagpapili sa vice-mayoralty elections.
Indi malipod nga sadto pa nangin magkasumpong na sa pulitika sanday Councilor Al Victor Espino ang Councilor Claudio Puentevella nga karon napili nga suportahan sang Asenso Bacolod sa pagka-bise alkalde sang siudad.
Gintuad ni Espino ang handom kuntani sa vice-mayoralty elections sa 2025 elections. Ugaling si Puentevella ang napili ni Mayor Albee Benitez kag sang political group.
Ginsiling ni Puentevella nga handa siya sa mga pagpanghangkat ilabi na nga mangin kasumpong niya ang beterano nga si incumbent Councilor Renecito Novero sa natalana nga pinili-ay.
Gin-ako ni Puentevella nga sadto indi nangin mahapos ang iya pagsugod bilang katapo sang konseho ilabi na sang naka-engwentro niya si anay Councilor Dindo Ramos nga karon kaupod na nila sa idalom sang Team Asenso.
Pero ginakalipay niya nga sa pagpanguna ni Mayor Albee Benitez kag Congressman Greg Gasataya nga karon magapapili sa mayoralty race mas matagaan nila atensyon ang pagserbisyo kag pagpatuman sang mga proyeto kag programa para sa ginahandom nga super city.