Bacolod Lgu nagsubmit na sang proposal sa LTFRB para sa green route nga mangin dugang nga rota sa mga iga-byahe nga e-jeepney.
Gin-submit na sang Bacolod LGU ang proposal para duha ka mga green route agud ma-review sang Land Transportation, Franchising and Regulatory Board.
Ginalauman ni City administrator Lucille Gelvolea nga maaprobahan sang LTFRB ang dugang nga mga rota nga italana para sa mga igabyahe nga e-jeepney sa Barangay Vista Alegre kag Cabug.
Sa tion nga ma-review na ang proposal, magatalana sang public hearing kag consultation ang konseho sa katapo sang transport sector kag iban pa nga stakeholders.
May 24 tanan ka mga rota ang siudad kun diin nagabyahe ang mga traditional kag modernized jeepney.
Ang dugang nga green route ang pamaagi sang LGU agud mapabaskog man ang kampanya para maamligan ang palibot.