Sa Bacolod, apat ka mga indibidwal nagtaliwan tuga sang Covid-19 related death sa bulan sang Abril.
Isa ka 44 anyos nga lalaki nga may comorbidity ang nagtaliwan sang Abril 22. Siya ang ikaapat nga Covid-19 related death sa bulan sang Abril sandig sa record sang Emergency Operations Center.
Suno kay Dr. Edwin Miraflor, OIC sang City Health Office, fully vaccinated ang pasyente ugaling mahimu naghuyang ang iya immune system kontra sa virus bangud man sang ginabatyag nga hypertension kag diabetes.
Paandam sang opisyal sang EOC sa publiko,ilabi na sa mga immuno compromised, nga dapat magpa booster dose kag dapat mangin responsable sa pagsunod sa minimum health protocol kun magtambong sa mga pagtililipon.
Nagapanugyan man si Miraflor sa mga may edad kag may ginabatyag nga balatian nga nga indi magpatial sa init, halungan ang ikaayong lawas, magtumar sang kinahanglan nga bulong antes maghalin sa ila puluy an antes pa man magtambong sa mga rally kag campaign sortie karon nga nagahilapit ang adlaw sang pinili-ay.