Naglab ot na sa napulo ang cholera cases sa Bacolod.
Gani sa pagsinapol kaina sang mga opisyales sang siudad upod sa City Health Office, nakasugtan ang paghinyo sang bulig sa tatlo pa ka mga dugang nga laboratory para mapadasig ang pag usisa sang mga water sampling ilabi gikan sa mga nagkalain lain nga water sources sa mga barangay nga may sporadic cases sang cholera.
Gin ako ni Dr. Carmela Gensoli,pamuno sang CHO nga tubtob karon indi pa mapat ud kun diin naghalin ang cholera.
Pabaskugon man sang siudad pinaagi sa CHO ang chlorination sa mga bomba kag bubon sa mga kabarangayan,ilabi na sa mga lugar nga may kumpirmado nga kaso sang Cholera.
Nalakip diri ang Barangay Mansilingan, Tangub, Alijis,Sum ag, Granada, 14, kag Handumanan.
May 112 naman ka mga water refilling station ang gin recommend sang CHO para mag untat anay sa pagbaligya sang produkto nga tubig bangud wala pa sang sanitary kag business permit.
Gin usisa naman sang katapo sang Environmental Sanitation Division sang CHO pati mga food stalls ilabi na ang sa Bacolod Public Plaza kag Bacolod City Government Center. Ini agud mapasiguro man ang proper handling kag preparation sang mga ginaserbi nga pagkaon kag ilimnon sa mga customer karon nga Masskara Festival.