Sa Hunyo 30 sang udto na magatapos ang kontrata sang masobra 3,900 ka mga job order workers sa Bacolod City LGU.
Pero ginpasiguro ni Secretary to the Mayor Atty. Jose Marty Go nga indi maapektuhan ang operation kag pagpalab-ot sang serbisyo sang siudad sa natalana nga transition sa tunga nanday outgoing Mayor Albee Benitez kag incoming Mayor Greg Gasataya.
Kabahin ini sang ginapasiguro sang natukod nga transition team. Gindugang ni Go nga may yara na sang ginpangtalana nga personnel kag focal person nga magaserbe sa tagsa ka mga city departments kag offices para mapadayon ang operation kag pagserbisyo sa mga naga-transaction sa opisina sang gobyerno.
Ginsiling na ni incoming Mayor Gasataya nga maga-pa gwa sila sang official announcement kun may yara gid man sang mga personnel kag tagpamuno sang mga city departments sa idalom sang iya pagpamuno.
Kadam-an sa mga naga-serbe nga city department heads sa Bacolod City Government Center mga Officer in-Charge ang status.