Site icon Digicast Negros

Bacolod LGU maga bantay kun may mga gas stations nga indi magpatuman sang natalana nga rollback sa bwas

Ginsiling ni Bacolod City Administrator Atty. Mark Steven Mayo nga mas mangin hugot ang siudad sa pag-monitor sang mga gasolinahan sa Bacolod agud masiguro nga nagasunod sila sa rollback sa presyo sang gatong nga ginapatuman sang Department of Energy.

Ini matapos nga may apat ka mga gasolinahan sang tinalikdan nga semana ang wala magsunod sa mega rollback sang DOE.

Suno kay Mayo, yara sa kapin 17 pesos ang rollback sang tinalikdan nga semana, apang 12 pesos lamang ang pagnubo nga ginpatuman sang amo nga mga gasolinahan.

May mga report man sila nga nabaton nga kun Martes, nagapanaog sang presyo ang mga gasolinahan,apang sa masunod nga mga adlaw, ila liwat nga ginapasaakan ang presyo.

Gina-check man sang monitoring team ang calibration sang ginabaligya nga gasolina sang mga gas stations matapos nga may mga nag reklamo man nga laban hangin ang nagagwa sa ila nga pump.

Ginklaro man ni Mayo, nga sarang lamang mag-monitor ang siudad, apang indi sila ang makapasira sang isa ka gasolinahan bangud yara lamang ini sa kapasidad sang DOE.

Ginapaabot bwas nga adlaw nga manaog sa liwat sang 3.80 pesos per liter ang presyo sang diesel samtang 1.50 pesos naman sa gasolina. Yara naman sa 5.80 pesos per liter ang rollback sa kerosene.

[sibwp_form id=1]
Exit mobile version