Bacolod City kag Negros Occidental ang magapabilin sa idalum sang modified general community quarantine sa bulan sang Abril.
Ginpahibalo sang Inter Agency Task Force against Emerging Infectious Diseases sanday mayor Evelio Leonardia kag Governor Eugenio Lacson nga mangin MGCQ sa gihapon ang status sang Bacolod kag Negros Occidental sa madason nga bulan.
Ini sa tunga sang liwat nga pagsaka sang mga kaso sang COVID-19 sa siudad kag probinsya.
Nagapahanumdum man si Leonardia sa publiko nga indi matuod ang impormasyon nga naglapta sa social media sang nagligad nga semana nga ipaidalum sa enhanced community quarantine liwat ang Bacolod.
Nagapanugyan ang alkalde sa pumuluyo nga likawan anay ang pagtambung sa mga pagtililipon kaupod ang iban nga mga tawo bangud sang pagsaka liwat sang mga kaso sa siudad.