Air quality sa Negros ang padayon nga maid-id nga gina monitor.
Bacolod City kag La Castellana ang may yara sang ‘very unhealthy’ air quality index.
Ini base sa monitoring report sang Environmental Management Bureau ukon EMB Negros Island Region as of 8 am.
Kun ‘very unhealthy’ ang air quality index suno sa Department of Health ang may heart ukon respiratory disease kaangay sang asthma, ang maga pabilin sa sulod sang mga balay.
Naga abiso ang EMB sa mga area nga may yara sang ‘very unhealthy’ nga air quality index nga ang mga mga pedestrian dapat mag likaw sa mga heavy traffic areas.
Ginsiling ni Irene Bel Ploteña ang pamuno sang Disaster Risk Reduction Management Office sang Negros Occidental nga ang daw grayish/yellowish nga makit-an sa palibot patimaan sang haze nga naga apekto sa probinsya kag sa iban man nga bahin sang pungsod nga gina siling may kaangtanan sa naga padayon nga sunog sa Kalimantan, Indonesia.
Kun ngaa nakadangat sa pungsod Pilipinas, ini ang tuga na sang huyop sang hangin.
Samtang, ang LTO NIR ang nag pa gwa na sang road safety alert labi na kun naga drive sa mga area nga labing apektado sang haze.
Sa listahan nila, pila sa mga lugar nga apektado sang haze magluwas sa La Castellana kag Bacolod amo ang Kabankalan City, Bago City, La Carlota City kag iban nga mga lugar pa gid nga sakop sang central kag southern Negros Occidental.
Pila sa pahanumdom, kun tuman ka damol na gid kag haloson na ang visibility mag gamit sang low-beam headlights kag mag maintain sang distansya ang mga salakyan.
Sa mga naga bike ukon motorsiklo mag halong sa eye kag throat irritation.
“Amo na gani due to Habagat man, ang wind, ang aso halin didto sa Indonesia naga kadto man siya towards sa aton. For the province we advise as per DOH nga importante gid mag mask on kita. Haze ni siya. Ang daw ga yellowish siya”, suno kay Ploteña.
[sibwp_form id=1]