Siudad ginapaabot maga hinyo sang banning exemptions sa pagsaulog sang masskara festival dungan sa pagpatigayon sang Barangay kag SK Elections.
Sa Agosto 28 magasugod na ang election period para sa Barangay kag Sangguniang Kabataan Elections.
Gani ginapaabot ni Councilor Jude Thaddeus Sayson, pamuno sang Committee on Finance sang konseho ang pag request sang siudad para sa banning exemptions ilabi na nga dungan sa pagsaulog sang Masskara Festival 2023 ang natalana man nga campaign period para pinili-ay sa Oktubre.
Naandan nga sa amo man nga bulan ginasuguran ang releasing sang pondo halin sa mga financial assistance nga ginapalab-ot sa mga kabarangayan nga nagapaindis-indis sa tuigan nga kahiwatan.
Samtang,Indi naman kinahanglan sang siudad mag-request sa PNP headquarters para sa pagpatuman sang gun ban kay halin sa Agosto 28 tubtob Nobyembre 29 patuman ang Comelec Gun Ban.