Ginpaathag sang Bacolod DSSD, nga wala sang may ginpangkakas nga ngalan gikan sa masterlist, sa pihak sang mga reklamo sang pila ka mga residente nga naapektuhan sang Bagyo Tino nga wala sila nalakip sa listahan sang mga makabaton sang ayuda.
Suno kay Richelle Verdeprado-Mangga, head sang DSSD Bacolod, may mga kaso nga ang ngalan sang mga nahalitan sang bagyo ang yara sa masterlist, apang wala ini malakip sa payroll sang DSWD bangud sang pila ka mga rason.
Suno kay Mangga, ang DSWD national amo ang nagapatigayon sang cross-matching sang mga record, kag may mga benepisyaryo nga gina-tag bangud sang duplication, pareho nga family name, sala nga detalye, sala nga format sang birthday, ukon gina-tag bilang “for compliance.”
Bangud sini, ginapatigayon liwat ang verification sa barangay agud masiguro ang impormasyon sang mga benepisyaryo.
Ginpahayag man ni Mangga nga para sa mga biktima nga wala gid nalakip sa listahan kag ma-validate, maga-request ang DSSD Bacolod nga malakip ini sa second batch sang payout.*
[sibwp_form id=1]