Maga donate sang P2M ang siudad sang Bacolod bilang bulig sa mga nahalitan sang linog sa probinsya sang Cebu.
Ini ang ginpahayag ni Bacolod City Mayor Greg Gasataya sini nga hapon sa media interview.
Suno kay Gasataya, ang bulig pinansyal igahatag sa Bogo City, ang pinaka nahalitan sang 6.9 magnitude nga linog sang nagligad nga semana.
Dugang pa sang alkalde, ang pondo halin mismo sa siudad sang Bacolod kag isa ini ka paagi sang pagpakita sang suporta kag pagbinuligay sa tunga sang mga LGU sa tunga sang kalamidad.
Damlag pa ginsiling ni Governor Eugenio Jose Lacson nga magahatag man ang probinsya sang P2M para sa Bogo City.