BacCHP satellite office sa mga mall ang ipahamtang sang siudad sa madasun nga semana.
Naglab-ot na sa 107,000 ang mga BacCHP beneficiaries kag applicants sang Bacolod LGU.
May masobra 5,000 diri ang nabuligan paagi sa hospitalization kag pati na burial services sa bulig sang mga partner hospitals kag funeral parlor.
Ginsiling ni BacCHP Coordinator Engr. Mae Cuaycong nga tuyo ni Mayor Albee Benitez nga madamo pa ang mapalab-otan sang bulig paagi sa Bacolod Comprehensive Health Program.
Agud mapahapos ang pagpa-rehistro, magapahamtang ang siudad sang satellite offices sa Ayala Capitol Central kag SM city Bacolod sa madasun nga semana.
Ginatinguhaan sang Bacolod LGU matigayon nga matagaan sang 5 percent discount ang mga BacCHP cardholders sa ila ginabakal nga mga bulong sa mga partner pharmacy sa siudad.
Sa karon nagalab-ot na sa masobra 50,000 ang na-issue BacCHP cards sang siudad.