Sa 50,000 ka mga applications sa Bacolod Comprehensive Health Program may 20,000 na diri ang na aprobahan kag natalana ipanagtag sa mga indigents.
Suno kay Councilor Claudio Puentevella, chairperson sang Committee on Health sa konseho magatukod man ang siudad sang BacCHP Center para mapadasig kag mapahapos ang pag cater sang mga concerns sang mga indigent applicants.
Sa Bacolod City Government Center plano nga itukod ang center nga amo man ang maga coordinate sa mga partner hospitals.
Nakigsapol naman ang iya komitiba sa mga punong barangay para sa validation sang mga aplikante ilabi na ang paghaylo sa mga aplikante para magpa miyembro sa Philippine Health Insurance System.