Ginabulong sa ospital sa karong ang 42 anyos nga si Janice Educado matapos ini nga nasapwan kagab-i nga duguon kag yara na sa kalog sa kilid sang dalan sa Barangay Bubog siyudad sang Talisay.
Sa imbestigasyon sang PNP, nakabaton kagab-i sang text message ang utod sang biktima nga naga hulat si Janice sa waiting shed sa kilid sang dalan pero sang pag abot sang iya utod, wala na siya didto. Dugay dugay iya nakita nga yara na naga higda sa kalog sa kilid sang dalan ang iya utod kag may pilas sa agtang tuga sang pag lampos sang kahoy.
Gina usisa karon sang PNP kun bala may gin kawat ukon gin holdup ang biktima base sa gin report sang iban nga mga residente sa lugar.
Indi pa nila mapat-o suno sa pulis kun ano gid ang natabo bangud sa unconcious tubtob karon si Janice.