Ginatan-aw sang Department of Social Welfare and Development Negros Island Region nga mapanagtag na sumugod sa Huwebes ang fuel subsidy sa idalum sang Assistance to Individuals in Crisis Situation para sa mga Transport Network Vehicle Service ukon TNVS drivers.
Ginpalab-ot sang DSWD sa kay Bacolod City Mayor Greg Gasataya, may masobra sa 3,500 ka mga TNVS drivers ang na qualify sa bug-os nga rehiyon.
Kadam-an sang mga drivers nga makabaton sang ayuda ang mga taga Bacolod.
Pagklaro niya, mas na una release sang LTFRB-NIR ang listahan sang TNVS bangud nag-gikan ini tanan sa ila tagsa ka mga kompaniya samtang nagapadayon pa sa gihapon ang validation para sa mga taxi drivers.
Damlag pa, ginpahayag sang mga taxi drivers nga sa masobra 500 ka mga myembro sini, 75 lang ang tigayon na nga nahatagan sang ayuda kadungan sa mga jeepney drivers.
Nagakahangawa man ang siudad bangud kun LTFRB-NIR ang magapagwa sang listahan, kalabanan mga taxi operators ang ma qualify bangud sa ila naka pangalan ang mga prangkisa.*
[sibwp_form id=1]