Kaina sang aga mga artists ang nag perform sa kilid sang daan nga airport kun sa diin nahamtang ang mga gin pang utod nga mga gulang na nga kahoy.
Ini may kaangtanan sa Earth Day nga gina saulog karon nga adlaw.
Suno kay Rudy Reveche kuntani personal lang niya nga desisyon ang pagpadulong sa lugar kag mag bunyag sa mga tanom bilang simbolo nga ini ang mabuhi pa, pero may mga artists man nga nag upod sa iya.
Mensahe nila nga amligan amg palibot ilabi na ang kahoy nga nagahatag sang pagkaon kasubong sang prutas. Nag upod man ang Social Action Center sa pagpamuno ni Fr Chris Gonzales ang director. Indi lang dapat magapabilin nga ginadayaw sang dunang manggad suno sa iya kundi dapat ini nga amligan kag tatapon.
Suno kay Rhoderick Samonte nga isa man sa nagbuylog, katorse sa bente sais ka kahoy nga gin pang utod ang nakit-an nga nagpanalingsing pa.
Ang Earth Day Bacolod Negros Occidental network ang nag sakdag sang nagkalain lain nga mga hilikuton angut sa Earth Day.