Aprobado na sang konseho sang Bacolod ang apppointment ni anay Provincial Economic Enterprise and Development Department head Lucille Gelvolea bilang bag-o nga City Administrator.
Si Gelvolea ang nagtal-us kay anay City Administrator Atty. Pacifico Maghari, III nga nag resign sang nagligad nga Nobyembre.
Sa ginpatigayon nga session kahapon, gin aprobahan man sang Sangguniang Panlungsod ang pagkabig sa business tycoon nga si Lucio Co bilang adopted son sang Bacolod.
Sa pagsaulog sang Bacolaodiat Festival ginalauman ang conferment ni Co bilang honorary mayor sang siudad.
Samtang, gina abi-abi man sang konseho ang pagtal-us ni Bacolod DIlG OIC Christian Nagaynay kay anay DILG head Ma. Joy Maredith Madayag nga nag retiro.