Apat pa gid ka mga regular nga empleyado ang nag positibo sa pag gamit sang iligal nga droga sa San Carlos City.
Ini suno kay Mayor Renato Gustilo nga nagsiling nga ang apat ka bag-o nga nagpositibo sa pag gamit sang iligal nga droga ang gikan sa batch nga gin drug test sang nag ligad nga semana. Sa kabilugan suno kay Gustilo mga walo na ka regular nga empleyado ang nag positibo sa drug use kag mga napulo naman ka job order workers.
Suno sa alkalde, ang mga regular nga empleyado sandig Civil Service Commission nga nag positibo sa drug use ang iga evaluate sang isa ka acccredited nga duktor. Maga depende ang mangin aksyon sang LGU sa recommendation sang duktor – ayhan maga paidalom sa rehabilitation ukon mag paidalom sa spiritual renewal. Ipaidalom pa man sila sa confirmatory test.
Ugaling may mga concerns si Gustilo angut diri bangud amo sa gihapon nga specimen ang gamiton, nga suno sa iya mahimo nga sa kalawigon ang ang resulta ma apektuhan na. Kinahanglan man ang confirmatory test. Ang mga job order naman ang indi na ma renew sa trabaho suno kay Gustilo.