Nagapadayon karon ang masako nga paghakot sang mga pagkabutang halin sa daan nga city hall pakadto sa mga temporaryo nga pasilidad nga sayluhan sang mga opisina sang Bacolod LGU.
Kadam-an sa mga offices ang nakabalhin na sa City Library, daan nga DAR office sa Barangay 14 kag annex building sang Libertad Market nga gintalana nga temporary offices.
Pero may apat pa ka mga nabilin nga opisina nga karon ginapangitaan sang City Engineer’s Office sang lugar nga mabalhinan samtang nagahilapit ang ginapaabot nga pagdemolish sang daan nga city hall sa dalan Luzuriaga.
Siling ni OIC-CEO Engineer Loben Ceballos, tinguhaan nila nga makapangita sang dugang nga pasilidad nga sarang ma-rentahan agud masayluhan sang mga maga-vacate nga opisina sa daan nga city hall.
Kabahin diri ang DILG, COA office, General Services Office kag PNP internal affairs service.