Apat pa ka mga balay sa Barangay 10 sa Bacolod ang natalana i-demolish sa reclamation area.
Magluwas sa mga illegal structures nga yara sa sulod sang Vendors’ Plaza may apat pa ka mga balay nga nasakpan sang Barangay 10 ang natalana iga demolish sa reclamation area.
Ginpahayag ni City Legal Officer Atty. Romeo Carlos Ting, Jr., nga apektado sang gina construct nga diversion channel sang DPWH ang apat ka mga balay nga yara sa kilid sang dalan Burgos.
Samtang gina istoryahan na sang siudad kag SM Primeholdings Incorporated ang pag demolish sang mga hayob- hayob sa sulod sang Vendors’ plaza.
Suno kay Ting wala na sang ihatag nga ayuda ang siudad sa ila bangud nakabaton na sadto sang financial assistance ang kadam-an sa ila.
Ginasuguran na sang SM ang pagpangudal sa palibot sang daan nga merkado agud ma amat-amatan ang demolisyon para sa ginapatuman nga development project sa 3 hectare property sang siudad sa Manokan Country.