Patay ang 64 anyos nga anay punong barangay matapos nga gintiro sang wala makilala nga mga persona sa Brgy. Patun-an sa banwa sang Calatrava Martes sang aga.
Isa naman ka ginkilala kay alias Jay, 19-anyos ang pilason.
Suno sa kay Police Major Wilfredo Benoman ang hepe sang Calatrava PNP, sakay ang biktima nga si Amalia Dayanan sa depasahero nga salakyan padulong sa San Carlos sang may armado nga lalaki nga nagsakay kag gintiro ini.
Dugang pa sang PNP, ang anay kapitan ang tuyo sang suspek kag nasalabat lang sang bala si Jay.
Gilayon nga nalagyo ang suspek kag gin hingagaw naman dala sa ospital ang anay barangay official pero ginbawian sang kabuhi.
Isa sa mga gina lantaw nga motibo sa krimen amo ang away sa duta.
Ang biktima ang nagserbe sadto nga punong barangay sang Macasilao sa Calatrava sang 2013.