Digicast Negros

Anay pamuno sang NOCHP gin-dismiss, duha ka mga PHRMO nga empleyado ginpang suspend

Anay pamuno sang Negros Occidental Comprehensive Health Program ang gin-dismiss sa serbisyo.

Samtang OIC naman sang Provincial Human Resource Office sang Negros Occidental kag isa ka pa gid ka empleyado ang ginpapanaugan sang 60-day suspension.

Gin-serbe Miyerkules nga adlaw ang formal charges sang Falsification of Official Document kag Dishonesty, investigation report lakip na ang 60-day preventive suspension batuk sa OIC sang PHRMO nga si Felomina Gozon kag empleyado nga si Daidie Lopez.

Suno kay Provincial Legal Officer Alberto Nellas, Jr. ang ila nga kaso may kaangtanan sa gina alegar ila nga pag alter sang official document bilang katapo sang selection committee.

Sang 2021 sila ginpapanaugan sang show cause order kag nakit-an nga may nagakaigo nga basehan sa pagpasaka sang kaso batuk sa ila.

“This involves more specifically sa resolution sang selection committee, nga there’s a certain document nga medyo na alter nila. We have prima facie basis”, suno kay Nellas.

Gintinguhaan sang Digicast Negros nga makuhaan sila sang ila nga bahin pero wala sila malambot.

Samtang, sang Pebrero 24, gin serbe ang dismissal order batuk kay Ma Mina Pellejo nga Assistant Provincial Administrator kag na designate sadto nga pamuno sang NOCHP.

Ini may angut sa kaso nga grave misconduct kag gross neglect of duty batuk sa iya. Suno kay Nellas ang iya nga kaso may kaangtanan sa mishandling sang budget.

“Ang disciplining authority lang ang maka dismiss, so ang ga approve si Governor Lacson gid”, suno kay Nellas.

Suno kay Pellejo wala pa nabaton sang iya nga abogado ang desisyon.

“At this time, I can say that the decision is not surprising since the administrative proceeding was obviously conducted to just give a semblance of due process” suno sa pahayag nga ginpadala ni Pellejo.

Dugang pa niya, ang ebedensya batuk sa iya ang mahuyang kag ini ang makit-an sa record sang kaso.

“There was nothing irregular or unlawful in the way the Negros Occidental Comprehensive Health Program was implemented. I am very confident to say that the evidence that was presented against me is very weak”, suno kay Pellejo.

Maga file sila sang appeal sa Civil Service Commission Region 6.

“There’s no cleansing. We just want everyone to perform accordingly”, suno kay Nellas.

Exit mobile version
Skip to toolbar