Provincial Tourism Officer nga nagserbe man sadto bilang pamuno sang Mambukal Resort ang Wildlife Sanctuary ang ginserbehan sang show cause order angut sa wala na liquidate nga pondo.
Suno kay Governor Eugenio Jose Lacson, gin-serbehan sang show cause order si Cheryl Decena sa iya sini kapasidad sadto bilang pamuno sang Mambukal Resort and Wildlife Sanctuary.
Indi lamang si Decena suno sa gobernador kundi may iban pa gid nga mga empleyado sang amo nga talatapan nga ginpapanaugan man sang show cause order.
Paathag sang gobernador ang pag papanaog sang show cause order kabahin sang reminder sa mga natungdan nga persona sang ila nga compliance sa pag liquidate sa ano man nga cash advances.
Suno sa iya ang wala maliquidate pondo nga gingamit sa operations sang Mambukal kag ini ang due sadto pang katapusan sang 2023.
Ginsiling naman ni Decena sa Digicast Negros nga indi na niya luyag pa nga ma pre-empt ang desisyon sang gobernador sa mga sabat sa show cause order.
Ila na nga gina tugyan sa gobernador ang desisyon base sa mga dokumento nga gin submit sang mga natungdan nga persona.