Digicast Negros

Anay Gov Coscolluela nagpaathag nga indi magpa pili bilang mayor sang Bacolod

Archie Alipalo photo

Anay gobernador Rafael “Lito Coscolluela ang wala sang tuyo nga magpapili sa 2022 nga elections ayhan bilang gobernador sang probinsya ukon alkalde sang Bacolod.

Ang magpapili para sa isa ka public office suno kay Coscoluella ang bagay nga yara sa mga ulihi niya nga konsiderasyon.

Ginsiling ni Coscolluela nga realidad imposible nga mag patigayon sang kampanya nga wala sang resources.

Suno sa anay gobernador tion na nga mag develop sang mga bag o nga lideres nga may lain naman mga mindset sa pulitika.

Iya gin siling nga indi sya mag papili kontra kay Bacolod Mayor Evelio Leonarida pero sya ang nalugaw-an sa pamaagi sa pagpadalagan sa Bacolod.

Tuman ang pamulitika sa Bacolod suno sa iya. Ang mga desisyon suno sa iya nabase sa mga political consideration.

May mga nabaton sya nga feedback gikan sa private sektor angut sa kabudlayan nila nga mag pakig angut sa lokal nga panguluhan sang Bacolod.

Suno kay Coscolluela luyag niya magbulig sa Bacolod.

Exit mobile version
Skip to toolbar