Anay DSWD Secretary Erwin Tulfo mas pabor nga mapabilin ang traditional nga pay-out system. Samtang iya ginaduso nga madugangan ang pondo para sa infrastructure projects bahin sa emergency kag climate resiliency sa Negros Occidental.
300 tanan ka mga benepisyaryo sang sustainable livelihood program sa Bacolod ang nagbaton sang ayuda gikan sa DSWD sa Barangay Mansilingan.
Ang payout ang ginpangunahan ni Deputy House Minority Leader Congressman Erwin Tulfo kag ACT-CIS representative Edvic Yap.
Ginpahayag ni Tulfo nga anay DSWD Secretary nga mas pabor siya sa traditional nga payout system bisan sadto pa ginaduso na nga mapaagi ang payout sa online ukon sa mga atm cards nga iga-issue sa mga benepisyaryo.
Paathag niya nga magluwas sang seguridad mas validate sang ensakto kag masiguro nga wala sang buhin ang ginapalab-ot nga ayuda sang gobyerno.
Samtang sa pagsinapol upod sang mga alkalde, ginpasalig sang kongresista nga iya iduso nga ma-download ang dugang nga pondo gikan sa AICS direkta sa mga LGU agud nga insigida nga magamit ini sa emerhensya.
Si Tulfo ang nagapapili karon sa pagka-senador kag isa sa mga tuyo niya amo ang madugangan ang mga infrastructure projects bahin sa emergency kag climate resiliency sa probinsya.
Nalakip diri ang mga pag panghanda para sa posible paglupok sang Mt. Kanlaon sa isla sang Negros.