Tatlo man ka tuig nga wala nakita ni pablo tariman ang iya anak na si Kerima Lorena Tariman, ang isa sa duha ka mga katapo sang New People’s Army nga napatay sa encounter kontra sa katapo sang 79th Infantry Battalion sa Hacienda Raymunda sa Barangay Kapitan Ramon, siudad sang Silay sang Byernes.
Masubo para sa iya nga madulaan sang anak, pero iya ini ginabaton nga may bugal.
Gindugang na Tariman nga isa man ka writer sa national paper, makapila niya ka beses nga ginhaylo ang iya anak nga magbalik na puyo upod sa iya kag sa iya pa gid dise otso anyos nga anak.
Wala niya man mapunggan ang maghilibi-on samtang gina-cremate ang bangkay sang iya anak kahapon.
Si Kerima ang anay managing editor sang Philippine Colegian sang University of the Philippines.
2001 sang siya ang nabilangu tubtob nga na-dismiss man ang kaso nga illegal possession of firearms nga ginpasaka batuk sa iya.
Suno sa army, lider sang Northern Negros Front si Kerima. Isa sa iya gina-alegar kaupod nga napatay sa engkwentro ang 38 anyos nga si Joery Cocoba sang EB Magalona.
Napatay man sa amo nga encounter si Private First Class Christopher Alada nga taga-Badiangan, Iloilo.
Suno kay army Major Cenon Pancito, spokesperson sang 3rd Infantry Division, magluwas sa posthumous award ila man ginapalab-ot ang military merits kag honor para sa ginakabig baganihan nga soldado nga napatay sa engkwentro.